Yeh Bach-cha! by Ibn e Insha
Posted by عمار - aMmAr | Posted in Rekhta | Posted on 14-03-2008-05-2008
4
Yeh bach-cha kaisa bach-cha hai
Jo rait pay tanha betha hai
Na is kay pait maiN roti hai
Na is kay tun per kapra hai
Na is kay sir pay topi hai
Na is kay pairr main joota hai
Na is kay pass khilonon main
Koi bhaloo hay, koi ghora hai
Na is ka ji behlanay ko
Koi lori hay, koi jhoola hai
Na is ki jaib main dhay-la hai
Na is kay hath main paisa hai
Na is kay ammy abboo hain
Na is ki aapa khala hai
Yeh saray jug main tanha hai
Yeh bach-cha kaisa bach-cha hai
Ibn-e- Insha
Popularity: 6% [?]