Kabhee ham khoobsoorat thay

Kitaabon main basi khushbu ki maanind saans saakin thee

Bohat say ankahay lafzon say tasveerain banatay thay

Parindon kay paron per nazm likh ker,

door ki jheelon main basnain waalay logon ko sunaatay thay

Jo ham say door thay laikin, hamaray paas rehtay thay

Naye din ki musaafat jab kiran kay saath,

angan main utartee thee

Tu ham kehtay thay

“Ammi, titlion kay per bohat hee khoobsoorat hain”

Hamain maathay pey bosa do,,kay ham ko, titlion kay,jugnuon kay

des jaana hai

hamain rangon kay jugnoo,roshni ki titlian aawaz detee hain

Naye din ki musaafat rang main

doobi hawa kay saath khirki say bulaati hai

Hamain maathay pay bosa do…

Hamain maathay pay bosa do…

Hamain maathay pay bosa do…

-Ahmed shamim

[bosa= kiss, manind= like, titlyon= butterflies, musaafat= journey]

Popularity: 17% [?]

Ye na thee hamaree qismat ke wisaal-e-yaar hota
it was not in my fate to meet my lover
agar aur jeete rehte yahee intezaar hota
had I lived longer, this would still be my only desire

tere waade par jiye ham to ye jaan jhoot jaanaa
to live on your promise is to make my life a lie
ke khushee se mar na jaate agar ‘eitabaar hota
would I not have died of happiness if i trusted it

teree naazukee se jaana ke bandha tha ‘ehed_booda
from your frailty I learnt that the promise was delicate
kabhee too na tor sakta agar oostuwaar hota
it would not stand broken had you been determined

koee mere dil se pooche tere teer-e-neemkash ko
someone ask me about your half-drawn arrow
ye khalish kahaan se hotee jo jigar ke paar hota
would i even feel this pain if it had pierced my heart

ye kahaan ki dostee hai ke bane hain dost naaseh
what kind of friendship is this, that friends are now advisers
koee chaarasaaz hota, koee ghamgusaar hota
someone should ease my pain, someone sympathize with me

rag-e-sang se tapakta wo lahoo ki phir na thamta
from every nerve drips blood without restraint
jise gham samajh rahe ho, ye agar sharaar hota
as if that which you think is anguish is but a spark

gham agarche jaan_gulis hai, per kahaan bachain ke dil hai
threatening as love is, there is no deliverance from the heart
gham-e-ishq gar na hota, gham-e-rozgaar hota
if not the torment of love, it would be the torment of life

kahoon kis se main ke kya hai, shab-e-gham buree bala hai
whom shall I narrate the pangs of these evenings of sorrow
mujhe kya bura tha marna agar ek baar hota
i would have not resented this death, had it come only once

hue mar ke ham jo ruswa, hue kyon na gharq-e-dariya
that I died and was disgraced, why was I not just drowned
na kabhee janaaza uthata, na kaheen mazaar hota
never was there a funeral, no where was a tomb erected

usay kaun dekh sakta ke yagaana hai wo yaktaa
who can see him since his Oneness is without peer
jo dooee ki boo bhee hotee to kaheen do chaar hota
even the scent of his duality would be an introduction

ye masaail-e-tasawwuf, ye tera bayaan ‘Ghalib’!
this mysticism, these statements of yours Ghalib

tujhe ham walee samajhate, jo na baada_khwaar hota
you would be a saint, if only you were not inebriated

Popularity: 14% [?]

Silsilay Torr Gya Woh Sabhi Jatay Jatay

Werna Itnay Tau Maraasim Thay Kay Atay Jatay

Shikvaa Zulmat-e-Shab Se Tau Kahee Behter Thaa

Apnay Hissay Ki Koi Shamma Jalatay Jaatay

Kitnaa Assan Tha Terey Hijr Mai Marna Janaa

Phir Bhi Ek Umr Lagee Jaan Se Jaaatay Jaaatay

Jashne Maqtil Bhi na Burpa Hua Werna Hum Bhi

 Pa-bajola Hee Sahe, Naachtey Gaatey Jaatey

Uskii Woh Jaanay Usay; ‘Paasay Wafaa’ Tha kay Na Thaa

Tum Faraz Apni Taraf Se Tau Nibhatay Jaatay

-Ahmed Faraz

Popularity: 17% [?]

Koi Umeed ber nahi aati

Koi surat nazar nahi aati

Maut ka ek din muaeyan hai

Neend kion raat bher nahi aati?

Pehle aati thi haal-e-dil per hasi

Abh kisi baat per nahi aati

Hai kuch eesi hi baat, jo chup hoon

Warna kiya baat ker nahi aati?

Hum wahan hain jahan se humko bhi

Kuch humari khabar nahi aati

Kaabe kis moun se jao ge ~Ghalib~

sharam tumko magar nahi aati

Popularity: 14% [?]

Janey Kitni Hazaar rateing hain …

Sab ki subhain alag alag he sahee…

Inhi rato(n) mai … meri raaat;

Chand ko jalte bhujtay dekhti hai…

Subh is per kabhi nahee ati ……

Popularity: 7% [?]